WENGI SING SEPI
Timbang sepi ...
Takgurit tembange ati
Dimen suda rasa sepi
Sing kemulan anyebe wengi
Keprungu lumayun ing maruta
Senadyan datan sinawang netra
hawa adhem sing anggremeti raga
anggondheli kepinginan metu njaba
Namung dumadakan kelingan
Pawongan wanudya kang sebelah wetan
muga tansah winengku ing karaharjan
bisa amapag rejekining Pengeran
Muga ing wektu kang bakal tumeka
ana kalodhangan kanggo sanja
sapatemon ing jagad nyata
angraketake jejering mitra.
.
Hudabrah Cakebasen
