WEWARAH
A
Kadang tumindak oralumrah
Dolan isuk sore Nang sawah
Bali kadang sewayah wayah
Biyungku pancen Wis sayah
Momong ngrumat tanpa upah
Kadang nanglsa keprungu peprenah
Aku sering noleh menawane diprentah
Biyung aku kudu bisa nggawe bungah
Kanggo njunjung asmane tiyang sepah
Wewarahmu marang sapabaen kanti pasrah
Muga Gusti peparing welas asih jalaran pasrah
"Panguda Rasa"
Saktemene ngelmu sing digegem kuwe barang sing pengaji.
Niyat sira labuh karyanak tyasing sesama.
Sinawur separan amrih tuwuh manis kaya gulali.
Jebul asin kaya uyah sinawur ing telenging samudra.
Muga ora ana getun keduwung jroning ati.
Kaweruhana lamun pakarti nira kuwe dharma.
Kacatet minangka dharma bekti mring Gusti kang Maha Suci.
Samubarang pakarti Tan ana kang muspra tanpa guna.
jagad ginelar golong ginolong ,kapantha phantha maneka warna
Gede- cilik, becik-ala,
Bisa-ora bisa , ana uga kang rumangsa bisa.
Kabeh kang cinipta wis ginaris ayo ditampa.
Dening mring kang landeping panggrahita.
Samubarang sing aji tetep den ajeni.
Wondene kang ora lantip
Kasengguh tanpa guna.
Ayo nyawiji dadi siji ngleluri budaya labuh ing ibu pertiwi...
Nuwun.. 🙏
Hudabrah_Cakebasen
Malem Selasa Kliwon
Manjing 1 Rajab 1444 H
Samudana..
Ulat, polah polatan
Kalamangsa sulaya karo batin.
Kalamangsa cungkrah karo ati.
Semringah urung mesthi bungah..
Mecucu urung karuan Agi nesu..
Eluh netes urung karuan grantes..
ngGuyu pating cekakak ning ora mesthi seneng..
Ora gumun...
Manungsa duwe akal budi,
Uga rasa pangrasa...
Uga ora gumun...
Mulane njur wasis nyamudana..
Nang njroning ati...
Uga Nang njroning pikiran...
Lan njroning batin...
Mung Gusti Kang Midhanget..
Mung Gusti Kang Maha pirsa...
Mung Gusti Kang paring Pamrayoga...
Kalamangsa...kudu tetep kebek samudana.
Ben ati ora kebeken panalangsa
Tetep bisa ngrasakna endahing urip lan panguripan
Tetep bisa nyukuri peparingingane Gusti....
.Hudabrah Cakebasen
BRAYAN
Hudabrah Cakebasen
4 Januari 2023
Wengiku kang sepi
Tanpa urube Geni
Jalaran lampu dipateni
Ora ngina ora nyalaeadi
Jebul wengiku wes dienteni
Kadang santri Ndang nekani
Aweh ngerti siki yaumul miladi
Mak tratab tekan njerone ati
Duh santri sing gemati
Kesuwun wes aweh pekerti
Luhur jiwanggamu kang suci
Mugi den berkahi Kersane Gusti
